Festa e muzikës

Më 21 qershor të vitit 1981 në Francë filloj të festohet dita e muzikës, për tu dhënë hapësirë të gjithë muzikantëve, qofshin ata profesional apo edhe amatorë. Dhe prej atij viti kjo festë filloj të përhapët edhe nëpër shumë vende të ndryshme të botës.

 

Sipas statistikave dita e muzikës festohet në mbi 460 qytete të 110 shteteve të botës, si në Francë, Gjermani, Kroaci, Itali, Spanje, Egjipt, Kili, Japoni, Amerikë… etj. Edhe në vendin tonë, në Shqipëri kjo ditë festohet që disa viteve.

 

Në kuadër të shumë aktiviteteve Shoqnia Kulturore “ILLYRICUM” miq të shën Françeskut, të premten me 21 qershor shfaqi koncertin vokal instrumental në oborrin e Kuvendit Françeskan në Gjuhadol/Shkodër, me titull “FESTA E MUZIKËS” me pjesë të njohura të muzikës botnore, dhe shqiptare, me soprano e tenor të njohur të qytetit të Shkodrës.

 

Në fund të koncertit Asistenti i Shoqnisë Illyricum fra Aleksandër Tanushi që njëherë është edhe guardian i Kuvendit Françeskan në Gjuhadol/Shkodër falënderoj interpretuesit, posaçërisht interpretuesit e rinjtë, po ashtu përshëndeti dhe falënderoj të gjithë të pranishmit për pjesëmarrje dhe vlerësimin e punës së Shoqnisë Illyricum, e në veçanti në këtë vit të jubileut të 800 vjetorit të prezencës françeskane në tokën shqiptare. 

 

Interpretuan

 

Diana BILALI, soprano

Berta KAÇAJ, soprano

Lukë MLLUGJA, bas-bariton

Roland GJOKA, bas-bariton

Lorenca PREÇI, soprano

Niki MJEDA, soprano

Ivan TANUSHI, tenor

Sara MILLJA, soprano

Emanuela NEÇAJ, soprano

Gerald LAZRI, bas

Juliana GURRA, mezzo-soprano

Aurela MOSHEQAJ, soprano

Megi TOMA, soprano

Armela MEHMETAJ, soprano

 

Kristi NDOJA, piano

Jozefina LEKAJ, piano

Sara NENSHATI, piano

Koncert maestro

Vera ÇUNI

Klevis GJERGJI

 

Udhëheqës artistik: Lukë MLLUGJA

Moderator: Zef NDOJA & Paulin UJKA

 

Asistent:

Fra Aleksandër Tanushi OFM