"Siparantum" në Kishën e shën Françeskut

Të dielën, më datën 28 prill 2019, në orën 18:00, në Kishën e shën Françeskut në Gjuhadol / Shkodër, në vazhdimin e festimeve të Pashkëve të shfaqur nga “Shoqnia Kulturore Illyricum - miq të shën Françeskut”, u shfaq Koncerti vokal instrumental nga kori SIPARANTUM.

 

Kori Siparantum i udhëhequr nga dirigjenti dhe kompozitori Memli Kelmendi, u themelua në bazë të trashëgimisë artistike të këndimit koral në Pejë nga shekujt e kaluar. I krijua nga vullneti i lirë i qytetarëve nga zonat e ndryshme të Kosovës dhe kategoritë e ndryshme, pavarësisht mosha, gjinia, feja dhe statusi shoqëror, me ëndrrën dhe angazhimin e njëjtë: të japin dashuri, besim dhe shpresë duke kënduar të gjithë atyre që besojnë në të ardhmen më të mirë të botës.

 

Ishin shumë artdashës të cilët me vëmendje e përcjellën këtë koncert, student e nxënës të shkollës së muzikës “Prenk Jakova”, anëtar të korit të kishës së shën Françeskut “Àt Martin Gjoka”, anëtar të korit “Rozafa Expression” dhe korit polifonik “Prenk Jakova” e shumë miq të tjerë të muzikës. Prezenca e dy kompozitoreve shkodran, prof. Zef Çoba dhe prof. Gjon Shllaku i dha bukuri edhe me të madhe kësaj mbrëmje.

 

Koncerti i cili u transmetua drejtpërdrejt edhe në TV “Star Plus”, ishte një bashkëpunim shumë i veçantë mes korit Siparantum dhe Shoqnisë Kulturore Illyricum. Në fund të koncertit Asistenti i Shoqnisë Illyricum që njëherë është edhe rektor i Kishës së shën Françeskut në Gjuhadol, përshëndeti dhe falënderoj korin dhe gjithë të pranishmit e në veçanti përshëndeti bashkëpunimin në realizimin e këtij koncerti.

 

 Fra Anton Selitaj

REPERTORI I KONCERTIT

 

Sanctus, Josip Degl’ Ivellio

Adoramus Te Christe, Domenico Bartolucci

Ut Nobis Detur, Mendi Mengjiqi

Homagium: Matri Teresiae

Ater Umbra, Memli Kelmendi

City Called Heaven, by Edward Boatner arr. by Josepine Poelinitz, Matej Karaqi, vocal; Arita Bajraktari, piano

T’FALEM O KRYQ, Teksti: I Lumi Vinçenc Prennushi, interpreton: Paulin Ujka

Magnificat, Albe Vidaković

Benedictus Deus Et Pater, Josip Degl' Ivellio

The Rose, Ola Gjeilo

Kuartet harqesh: Eris Opari-Zeka, Leufat Buquku, violinë; Shkënd Kasapolli, violë, Gresa Broqi, violonçel

Lux Aurumque, Eric Whitacre

ME THÂNË, Teksti dhe interpretimi: Zef Ndoja

Apamuyo Shungo, Gerardo Guevara

What Child Is This

Matej Karaqi, vocal

Benedictus, Karl Jenkins

Durim Jasharaj, fagot

Northern Lights, Ola Gjeilo

Adiemus, Karl Jenkins

Tradita Zeka, piano

Lacrimosa, Zbegnieë Preisner

Arita Bajraktari, soprano

Porsi fleta e ejllit t'Zotit,

Teksti: At Gjergj Fishta OFM;

Muzika: Lec Kurti; Harmonizimi: Gjon Shllaku

 

ORKESTRA E DHOMËS / Anton Çivlaku, violinë; Blerina Zeka, flaut; Atdhe Kasapolli, Bledion Kelmendi, klarinetë; Durim Jasharaj, fagot; Marigo Belegu, organo/piano elektrike, Agron Shujaku, piano/organo

 

Prezentues programi: Paulin Ujka & Zef Ndoja

 

Dirigjent: MEMLI KELMENDI